സിനിമയില്‍ അഭിനയിപ്പിക്കാമെന്ന് വാഗ്ദാനം നല്‍കി പീഡിപ്പിച്ചെന്ന പരാതിയില്‍ ഒരാള്‍ അറസ്റ്റില്‍. പരാതിക്കാരിയുടെ സുഹൃത്ത് കൂടിയായ കണ്ണൂര്‍ മുണ്ടയാട് സ്വദേശിനിയായ അഫ്‌സീന പി.പിയാണ് അറസ്റ്റിലായത്. കോഴിക്കോട് കാരപ്പറമ്പിലുളള ഫ്‌ലാറ്റില്‍ വെച്ചാണ് യുവതിയെ പീഡിപ്പിച്ചത്.
കണ്ണൂര്‍ മുണ്ടയാട് സ്വദേശിയായ അഫ്‌സീന (29)യെയാണ് കോഴിക്കോട് ടൗണ്‍ പൊലീസ് അസിസ്റ്റന്റ് കമ്മിഷണര്‍ ബിജുരാജിന്റെ നേതൃത്വത്തിലുള്ള സംഘം അറസ്റ്റ് ചെയ്തത്. കണ്ണൂരില്‍ ജോലിചെയ്തിരുന്ന കോട്ടയം സ്വദേശിയായ യുവതിയാണ് പീഡനത്തിനിരയായത്. യുവതിയുമായി സൗഹൃദത്തിലായതിനുശേഷം അഫ്‌സീന സുഹൃത്ത് ഷമീറിന്റെ സഹായത്തോടെ യുവതിയെ ഫ്‌ലാറ്റിലെത്തിച്ച് കൂട്ടബലാത്സംഗത്തിനിരയാക്കുകയായിരുന്നു.
അഫ്‌സീന ഹൈക്കോടതിയില്‍ മുന്‍കൂര്‍ ജാമ്യാപേക്ഷ നല്‍കിയിരുന്നെങ്കിലും ജാമ്യാപേക്ഷ കോടതി തള്ളിയതോടെയാണ് ടൌണ്‍ എ.സി.പി അറസ്റ്റ് രേഖപ്പെടുത്തിയത്. മൂന്ന് പേര്‍ നേരത്തേ കേസുമായി ബന്ധപ്പെട്ട് അറസ്റ്റിലായിരുന്നു. മലപ്പുറം സ്വദേശികളായ അബൂബക്കര്‍, സൈദലവി, ഷമീം എന്നിവരെയാണ് പൊലീസ് കസ്റ്റഡിയിലെടുത്തത്.