മൂത്രം കുടിയ്ക്കാന്‍ ഭാര്യയെ നിര്‍ബന്ധിച്ച യുവാവ് അറസ്റ്റില്‍. മധ്യപ്രദേശീലെ സെഹോറിലാണ് സംഭവം. ഭര്‍ത്താവ് തന്നെ മൂത്രം കുടിയ്ക്കാന്‍ നിര്‍ബന്ധിക്കുകയാണെന്നും തന്നെ ഉപദ്രവിക്കുകയാണെന്നും യുവതി പൊലീസില്‍ പരാതിനല്‍കി.
പരാതിയുടെ അടിസ്ഥാനത്തില്‍ പൊലീസ് കേസെടുക്കുകയും ഭര്‍ത്താവിനെ അറസ്റ്റ് ചെയ്യുകയുമായിരുന്നു. ഭര്‍ത്താവ് നിരന്തരം മര്‍ദ്ദിക്കുകയും ശാരീരിക പീഡനത്തിനിരയാക്കുകയും നിര്‍ബന്ധിച്ച് മൂത്രം കുടിപ്പിക്കുകയും ചെയ്‌തെന്ന് യുവതി പൊലീസില്‍ നല്‍കിയ പരാതിയില്‍ പറയുന്നു. ഇതിന് മുന്‍പ് മണ്ണെണ്ണ ഒഴിച്ച് തീകൊളുത്താന്‍ വരെ ശ്രമിച്ചിട്ടുണ്ടെന്നും പരാതിപ്പെടാന്‍ ആത്മാഭിമാനം ഭയന്ന് മുതിര്‍ന്നില്ലെന്നും യുവതി പൊലീസില്‍ മൊഴി നല്‍കി.
‘അയാളെന്നെ അടിക്കുമായിരുന്നു. എന്നെക്കൊണ്ട് മൂത്രം കുടിപ്പിക്കുമായിരുന്നു, എനിക്ക് നീതിവേണം. മുന്‍പും ഞാന്‍ ഒരുപാട് ബുദ്ധിമുട്ടുകള്‍ അനുഭവിച്ചു. ഒരിക്കല്‍, മണ്ണെണ്ണ ഒഴിച്ച് തീകൊളുത്തി എന്നെ കൊല്ലാന്‍ ശ്രമിച്ചു. എന്റെ പരാതി ആരും കേട്ടില്ലെങ്കില്‍ ഞാന്‍ മുഖ്യമന്ത്രിക്ക് പരാതിനല്‍കും.’ യുവതി പറഞ്ഞതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.