ഗുജറാത്ത്: പട്ടേല്‍ സമുദായ നേതാവ് ഹാര്‍ദിക് പട്ടേല്‍ വിവാഹിതനായി. കിഞ്ചല്‍ പട്ടേലാണ് വധു. ഗുജറാത്തിലെ സുരേന്ദ്രനഗര്‍ ജില്ലയിലെ ദിഗ്സര്‍ ഗ്രാമത്തിലായിരുന്നു വിവാഹം.
വിരങ്കം സ്വദേശിനിയായ കിഞ്ചലിന്റെ കുടുംബം ഇപ്പോള്‍ സൂരത്തിലാണ് താമസിക്കുന്നത്. ഇരുവരും തമ്മിലുള്ള വിവാഹ നിശ്ചയം കഴിഞ്ഞിട്ട് നാളുകളായിരുന്നു. നിയമ വിദ്യാര്‍ത്ഥിയാണ് കിഞ്ചല്‍. അടുത്ത സുഹൃത്തുക്കളും ബന്ധുക്കളും മാത്രമായിരുന്നു വിവാഹത്തില്‍ പങ്കെടുത്തത്.
ഹാര്‍ദിക്കിന്റെ വിവാഹം കഠ്വ പട്ടിഥാറുമാരുടെ ദേവി ഉമിയയുടെ ക്ഷേത്രമായ ഉഞ്ചയിലെ ഉമിയ ദാമില്‍ വച്ച് നടത്തണമെന്നായിരുന്നു കുടുംബത്തിന്റെ ആഗ്രഹം. എന്നാല്‍ കോടതി ഉത്തരവ് പ്രകാരം ഹാര്‍ദികിന് ഉഞ്ചയില്‍ പ്രവേശിക്കാന്‍ കഴിയില്ല.