യുവതി ഭര്‍തൃവീട്ടില്‍ മരിച്ച നിലയില്‍ കണ്ടെത്തി. സംഭവത്തില്‍ ദുരൂഹത ആരോപിച്ച് കുടുംബം. കുറുമുള്ളൂര്‍ മുടിയാട്ട് വീട്ടില്‍ എം.വി പ്രജിതയുടെ (23) മരണത്തില്‍ കടുത്തുരുത്തി പൊലീസില്‍ പരാതി നല്‍കി. ബുധനാഴ്ച രാവിലെയായിരുന്നു ഭര്‍ത്താവ് അനീഷിന്റെ വീട്ടിലെ കിടപ്പുമുറിയില്‍ മരിച്ചനിലയില്‍ കണ്ടത്.
2 വര്‍ഷം മുന്‍പായിരുന്നു ഇരുവരുടെയും വിവാഹം. സ്ത്രീധനത്തിന്റെ പേരിലും ജാതിയുടെ പേരിലും പ്രജിതയെ ഭര്‍തൃവീട്ടുകാര്‍ അധിക്ഷേപിക്കുകയും ഉപദ്രവിക്കുകയും ചെയ്തിരുന്നതായി പരാതിയില്‍ പറയുന്നു. സ്വന്തം വീട്ടിലേക്ക് മടങ്ങിവന്ന പ്രജിതയെ ഭര്‍തൃവീട്ടുകാര്‍ അനീഷ് ഫോണ്‍വിളിച്ച് ഭീഷണിപ്പെടുത്തുകയും തിരിച്ചു ചെല്ലാന്‍ നിര്‍ബന്ധിച്ചതായും പരാതിയില്‍ പറയുന്നുണ്ട്.