കൊണ്ടോട്ടി: വിവിധ കാരണങ്ങളാല്‍ ഒഴിവ് വരാന്‍ സാധ്യതയുള്ള സീറ്റുകളിലേക്ക് പരിഗണിക്കുന്നതിന് വെയ്റ്റിങ് ലിസ്റ്റിലുള്ളവരുടെ പാസ്‌പോര്‍ട്ട് ഉടന്‍ സമര്‍പ്പിക്കണമെന്ന് ഹജ്ജ് കമ്മിറ്റി വാര്‍ത്താക്കുറിപ്പില്‍ അറിയിച്ചു. നിലവിലുള്ള ക്രമ നമ്പര്‍ 805 മുതല്‍ 1500 വരെയുള്ളവരുടെ പാസ്‌പോര്‍ട്ടുകള്‍ ഹജ്ജ് കമ്മിറ്റി ഓഫീസില്‍ സ്വീകരിക്കുന്നതിന് കേന്ദ്ര ഹജ്ജ് കമ്മിറ്റി നിര്‍ദ്ദേശം നല്‍കിയ സാഹചര്യ ത്തിലാണിത്.
ഇതു വഴി വെയ്റ്റിംഗ് ലിസ്റ്റിലെ ക്രമ നമ്പര്‍ 1500 വരെയുള്ള ഹജ്ജ് അപേക്ഷകര്‍ മെയ് 26ന് വൈകുന്നേരം 5 മണിക്കകം പാസ്‌പോര്‍ട്ട് ഒരു ഫോട്ടോ സഹിതം കരിപ്പൂരിലെ സംസ്ഥാന ഹജ്ജ് കമ്മിറ്റി ഓഫീസ്സില്‍ സമര്‍പ്പിക്കണം. മറ്റു രേഖകള്‍ ഹജ്ജിന് തിരഞ്ഞെടുക്കപ്പെട്ടതിന് ശേഷം സമര്‍പ്പിച്ചാല്‍ മതി. പാസ്‌പോര്‍ട്ട് സ്വീക രിക്കുന്നത് യാതൊരു കാരണവശാലും ഹജ്ജിന് യാത്രാനുമതിയായി കണക്കാക്കാവുന്നതല്ല. കൂടുതല്‍ വിവരങ്ങള്‍ക്ക് സംസ്ഥാന ഹജ്ജ് കമ്മിറ്റി ഓഫിസുമായി ബന്ധപ്പെടാം. ഫോണ്‍ : 0483 2710 717, 04832717572