കൊണ്ടോട്ടി: ഹജ്ജ് ക്യാമ്പില്‍ സൗജന്യ സേവനത്തിനുള്ള ഹജ്ജ് ക്യാമ്പ് വോളന്റിയര്‍ ഇന്റര്‍വ്യൂ 14,15 തീയതികളില്‍ കരിപ്പൂര്‍ ഹജ്ജ് ഹൗസില്‍ വെച്ച് നടക്കും. നിശ്ചിത തീയതിക്കകം ഓണ്‍ലൈന്‍ അപേക്ഷ സമര്‍പ്പിച്ചവരാണ് ഇന്റര്‍വ്യൂവിന് എത്തേണ്ടത്.
അപേക്ഷ സമര്‍പ്പിച്ചവര്‍ വയസ്സ് തെളിയിക്കുന്ന ഫോട്ടോ പതിച്ച രേഖ, രണ്ടാം ഡോസ് കോവിഡ് വാക്‌സിനേഷന്‍ സര്‍ട്ടിഫിക്കറ്റ്, ഒരു പാസ്‌പോര്‍ട്ട് സൈസ് ഫോട്ടോ എന്നിവ സഹിതം ഹാജരാവേണ്ടതാണ്. മറ്റു ജില്ലകളില്‍ ഇന്റര്‍വ്യൂ ഉണ്ടായിരിക്കുന്നതല്ല. മലപ്പുറം, കണ്ണൂര്‍, കാസര്‍കോട്‌#േ, പാലക്കാട്, വയനാട്, ജില്ലകളിലെ അപേക്ഷകര്‍ 14 ന് ശനിയാഴ്ച രാവിലെ 9മണിക്കും, കോഴിക്കോട് ആലപ്പുഴ,എറണാകുളം, തൃശ്ശൂര്‍, ഇടുക്കി, പത്തനംതിട്ട ,കൊല്ലം ,തിരുവനന്തപുരം,കോട്ടയം ജില്ലകളിലെ അപേക്ഷകര്‍ 15ന് രാവിലെ 9 മണിക്കും ഇന്റര്‍വ്യൂവിന് ഹാജരാവണം.
ഇന്നലെ വൈകുന്നേരം 5 മണി വരെ ഓണ്‍ലൈന്‍ അപേക്ഷ സമര്‍പ്പിച്ചവര്‍ക്ക് മാത്രമേ ഇന്റര്‍വ്യൂവിന് ഹാജരാവാന്‍ സാധിക്കുകയുള്ളു. വിവരങ്ങള്‍ക്ക് ഫോണ്‍ : 0483 2710 717, 04832717572.