കൊണ്ടോട്ടി : കോഴിക്കോട്, കൊച്ചി, കണ്ണൂര്‍ എന്നിവടങ്ങളില്‍ നടക്കുന്ന ഹജ്ജ് ക്യാമ്പ് ആരംഭിക്കുന്നതിന്റെ ഭാഗമായി കരിപ്പൂര്‍ , കൊച്ചി വിമാനത്താവളങ്ങളില്‍ എയര്‍ പോര്‍ട്ട് ഡയറക്ടര്‍മാരുടെ നേതൃത്വത്തില്‍ എയര്‍പോര്‍ട്ട് ഏജന്‍സി മേധാവികളുടെ യോഗം ചേര്‍ന്നു. എയര്‍ലൈന്‍സ്, എമിഗ്രേഷന്‍, കസ്റ്റംസ്, സി.ഐ.എസ്.എഫ്, സെക്യൂരിറ്റി, ഫയര്‍ ഫോഴ്‌സ് തുടങ്ങിയ വിവിധ ഏജന്‍സികളുടെ മേധാവികള്‍ യോഗത്തില്‍ പങ്കെടുത്തു. കരിപ്പൂരില്‍ നിന്ന് എയര്‍ ഇന്ത്യ എക്സ് പ്രസിന്റെ 44 ഉം കൊച്ചിയില്‍ നിന്ന് സഊദി എയര്‍ലൈന്‍സിന്റെ 6 ഉം ചാര്‍ട്ടേഡ് വിമാനങ്ങളാണ് നിലവില്‍ ഷെഡ്യൂള്‍ ചെയ്തിട്ടുള്ളത്. ഹാജിമാരുടെ യാത്രാ സമയത്ത് വിമാനത്താവളങ്ങളില്‍ നടത്തേണ്ട ക്രമീകരണ ങ്ങളെക്കുറിച്ചും അവര്‍ക്ക് എയര്‍പോര്‍ട്ടില്‍ ഒരുക്കേണ്ട സൗകര്യങ്ങളെക്കുറിച്ചും യോഗം ചര്‍ച്ച ചെയ്തു.