ഗുജറാത്ത്: ബാധ ഒഴിപ്പിക്കല്‍ ചടങ്ങില്‍ പങ്കെടുത്ത ബി.ജെ.പി മന്ത്രിമാര്‍ വിവാദത്തില്‍. യാഗത്തില്‍ പങ്കെടുത്ത് മന്ത്രവാദികളുമായി ഇടപഴകുകയും ചെയ്ത ഗുജറാത്ത് മന്ത്രിമാരായ വിദ്യാഭ്യാസ-റവന്യൂ മന്ത്രി ഭൂപേന്ദ്ര സിങ് ചുടാസമ, സാമൂഹ്യനീതി വകുപ്പു മന്ത്രി ആത്മറാം പാര്‍മാര്‍ എന്നിവരാണ് വിവാദത്തില്‍പ്പെട്ടത്.
ബോട്ടഡ് ജില്ലയിലെ ഗദാഹഡ ഗ്രാമത്തില്‍ ശനിയാഴ്ചയാണ് സംഭവം. ബാധ ഒഴിപ്പിക്കലെന്ന ചടങ്ങിന്റെ ദൃശ്യങ്ങള്‍ സമൂഹമാധ്യമങ്ങള്‍ വഴി പ്രചരിച്ചിരുന്നു. നൂറോളം മന്ത്രവാദികളാണ് ബാധ ഒഴിപ്പിക്കല്‍ ചടങ്ങില്‍ പങ്കെടുത്തത്. കൂടാതെ രണ്ടു മന്ത്രവാദികള്‍ ചങ്ങലകൊണ്ട് ശരീരത്തില്‍ അടിക്കുന്നതും ദൃശ്യങ്ങളില്‍ കാണാമായിരുന്നു. ഇതെല്ലാം മന്ത്രിമാര്‍ നിരീക്ഷിക്കുന്നതും വീഡിയോയില്‍ വ്യക്തമായിരുന്നു. ബി.ജെ.പിയുടെ പ്രാദേശിക ഘടകമാണ് പരിപാടി സംഘടിപ്പിച്ചതെന്നാണ് അറിയുന്നത്.
എന്നാല്‍ സംഭവം വിവാദമായതോടെ പ്രതികരണവുമായി മന്ത്രി രംഗത്തെത്തി. ദിവ്യശ്കതിയെ ആരാധിക്കുന്ന ഒരു വിശുദ്ധ ചടങ്ങില്‍ പങ്കെടുക്കുക മാത്രമേ ചെയ്തുള്ളൂവെന്ന് മന്ത്രി ചുടാസമ പ്രതികരിച്ചു. അവര്‍ അന്ധവിശ്വാസത്തെ പ്രചരിപ്പിക്കുന്നവര്‍ അല്ലെന്നുമാണ് മന്ത്രി പറയുന്നത്.
watch video: