തിരുവനന്തപുരം: സംസ്ഥാനത്ത് പ്രളയ സെസ് ഏര്‍പ്പെടുത്തുമെന്ന് ധനമന്ത്രി തോമസ് ഐസകിന്റെ ബജറ്റ് പ്രഖ്യാപനം. ജി.എസ്.ടിയില്‍ 12, 18, 28 നികുതി നിരക്കുകളില്‍ വരുന്ന ഉല്‍പന്നങ്ങള്‍ക്ക് രണ്ട് വര്‍ഷത്തേക്ക് ഒരു ശതമാനം എന്ന നിരക്കിലാവും സെസ് പിരിക്കുക. സ്വര്‍ണം, വെള്ളി, പ്ലാറ്റിനം തുടങ്ങിയവക്ക് 0.25 ശതമാനം നിരക്കില്‍ സെസ് പിരിക്കാനും നിര്‍ദേശമുണ്ട്.
സെസ് ഏര്‍പ്പെടുത്തുന്നതോടെ ഭൂരിഭാഗം ഉല്‍പന്നങ്ങള്‍ക്കും വില കൂടും. ഇലക്ട്രോണിക് ഉല്‍പന്നങ്ങള്‍, കാറുകള്‍, സിമന്റ്, പ്ലൈവുഡ്, പെയിന്റ്, സ്വര്‍ണം, സോപ്പ്, ശീതളപാനീയം, മൊബൈല്‍ ഫോണുകള്‍, സിമന്റ്, ഗ്രാനൈറ്റ്, മാര്‍ബിള്‍, കമ്പ്യൂട്ടര്‍, ഇരുചക്രവാഹനങ്ങള്‍ തുടങ്ങിയവക്കെല്ലാം വില കൂടും.