യുഡിഎഫ് നിലപാട് ശരിയാണെന്ന് തെളിഞ്ഞെന്ന് പ്രതിപക്ഷ നേതാവ് വി.ഡി സതീശന്‍. വഖഫ് നിയമനം പിഎസ്‌സിക്ക് വിടുന്ന വിഷയത്തില്‍ യുഡിഎഫ് നിലപാട് ശരിയാണെന്ന് തെളിഞ്ഞെന്നാണ് വി.ഡി സതീശന്‍ പറഞ്ഞത്.
ഈ വിഷയത്തില്‍ ലീഗ് എന്ത് വര്‍ഗീയതയാണ് പറഞ്ഞതെന്ന് സര്‍ക്കാര്‍ വ്യക്തമാക്കണമെന്നും പിഎസ്‌സി വഴിയുള്ള നിയമനം അധാര്‍മികമാണെന്നും അദ്ദേഹം പറഞ്ഞു.
വഖഫ് നിയമനത്തിനും ദേവസ്വം ബോര്‍ഡ് മാതൃകയില്‍ പ്രത്യക ബോര്‍ഡ് വേണമെന്നും സര്‍ക്കാരിന്റേത് വൈകിവന്ന ബോധോദയമാണെന്നും അദ്ദേഹം കുറ്റപ്പെടുത്തി. തീരുമാനം മാറ്റണമെങ്കില്‍ വിഷയം നിയമസഭയില്‍ കൊണ്ടുവരണമെന്നും അദ്ദേഹം പറഞ്ഞു.
വഖഫ് വിഷയത്തില്‍ സമസ്ത നേതാക്കളുമായി ഇന്ന് ചര്‍ച്ച നടത്തിയ മുഖ്യമന്ത്രി പിഎസ്‌സിക്ക് വിടാനുള്ള തീരുമാനം തിരക്കിട്ട് നടപ്പാക്കില്ലെന്ന് ഉറപ്പ് നല്‍കിയിതിന് പിന്നാലെയാണ് പ്രതിപക്ഷ നേതാവിന്റെ പ്രതികരണം.