വാഷിംഗ്ടണ്‍: 2020 ല്‍ ലോകം ഗൂഗിളില്‍ ഏറ്റവും കൂടുതല്‍ തിരഞ്ഞ വാക്ക് പുറത്തുവിട്ടു. മുന്‍കാലത്തു നിന്ന് വിപരീതമായൊരു വാക്കാണ് ഈ കൊവിഡ് കാലത്ത് ആളുകള്‍ ഗൂഗിളില്‍ തിരഞ്ഞത്. കമ്പനി പുറത്തുവിട്ട കണക്കുകള്‍ പ്രകാരം why എന്ന വാക്കാണ് ഗൂഗില്‍ സേര്‍ച്ചില്‍ ഏറ്റവുംകൂടുതല്‍ വന്നിട്ടുള്ളത്. why is it called covid19, why black lives matter, why is australia burning എന്നീ വാക്കുകളാണ് തെരഞ്ഞത്.
എന്നാല്‍ കോവിഡ് ഇത്ര മേല്‍ കത്തി നിന്നപ്പോഴും ഇന്ത്യക്കാര്‍ തെരഞ്ഞത് ഇതൊന്നുമായിരുന്നില്ല. ഇന്ത്യന്‍ പ്രീമിയര്‍ ലീഗ് സംബന്ധിച്ചാണ് ഇന്ത്യ ഏറ്റവും കൂടുതല്‍ തെരഞ്ഞത്. കോവിഡ് കാരണം ഇക്കൊല്ലത്തെ ഐപിഎല്‍ നടക്കില്ലെന്ന് ആദ്യം വാര്‍ത്തകളുണ്ടായിരുന്നു. പിന്നീട് ഐപിഎല്‍ നടത്താന്‍ വേണ്ടി പലവട്ടം തീയതികള്‍ കുറിച്ചു. പക്ഷേ, കോവിഡ് രൂക്ഷമായി തുടര്‍ന്നത് കാരണം നടന്നില്ല. ഒടുക്കം ഐപിഎല്‍ യുഎഇയില്‍ വച്ച് നടത്തി.
ഇന്ത്യയിലെ പ്രധാന ട്രെന്റുകളില്‍ ഒന്നായ ‘ പനീര്‍ എങ്ങനെ നിര്‍മിക്കാം’ എന്നതും ഇന്ത്യ ഗൂഗിളില്‍ തെരഞ്ഞതില്‍ മുന്‍പന്തിയിലുണ്ട്.