ദോഹയില്‍ നിന്ന് നെടുമ്പാശ്ശേരി വിമാനത്താവളം വഴി കടത്തിയ ഒരുകിലോയോളം വരുന്ന സ്വര്‍ണം മലപ്പുറം അരീക്കോട്‌വച്ച് പൊലീസ് പിടികൂടി. കോഴിക്കോട് കൊടിയത്തൂര്‍ സ്വദേശി അഷ്‌റഫ് (56), സ്വര്‍ണം കൈപ്പറ്റിയ കോഴിക്കോട് താമരശ്ശേരി സ്വദേശികളായ മിദ്‌ലജ് (23), നിഷാദ് (36), ഫാസില്‍ (40) എന്നിവരെയാണ് മലപ്പുറം അരീക്കോടുവച്ച് പിടികൂടിയത്.
ഇതിന് വേണ്ടി ഉപയോഗിച്ച കാറും കാരിയര്‍ക്ക് കൊടുക്കാന്‍ വേണ്ടി കൊണ്ടുവന്ന 1 ലക്ഷം രൂപയും പൊലീസ് പിടിച്ചെടുത്തു. 1063 ഗ്രാം സ്വര്‍ണം ഇവരുടെ കൈവശമുണ്ടായിരുന്നു. സ്വര്‍ണം മിശ്രിതരൂപത്തിലാക്കി നാല് ക്യാപ്‌സൂളുകളാക്കി ദേഹത്ത് ഒളിപ്പിച്ചാണ് പ്രതി കടത്തിയത്. ഏകദേശം 63 ലക്ഷത്തോളം വിലവരുന്ന സ്വര്‍ണമാണ് പിടിച്ചെടുത്തത്.