സ്വര്‍ണമാല കഴുത്തിലണിഞ്ഞ് നടക്കരുത്. മാല ബാഗിലേക്കിടൂ. എന്ന ഉപദേശം അനുസരിച്ച വയോധികക്ക് ആലപ്പുഴയില്‍ നഷ്ടപ്പെട്ടത് നാലുപവന്റെ മാല. ഇന്നലെ കളപ്പുര ഗവ. ഗസ്റ്റ് ഹൗസിനടുത്തൂകൂടി നടന്നുപോകുമ്പോള്‍ ബൈക്കിലെത്തിയ രണ്ടുപേരാണ് ഉപദേശം നല്‍കിയത്. ഇത് കേട്ട് കഴുത്തില്‍നിന്ന് ബാഗിലേക്ക് സ്വര്‍ണമാല ഊരിയിടാന്‍ ശ്രമിക്കുന്നതിനിടെ തട്ടിപ്പറിക്കുകയായിരുന്നു. ബുള്ളറ്റിലെത്തിയ രണ്ടു പേരാണ് തട്ടിപ്പറിച്ചതും ഉപദേശം നല്‍കിയതും. ഇവരുടെ സിസിടിവി ദൃശ്യങ്ങള്‍ കണ്ടെടുത്തു. പ്രതികളെ കിട്ടിയിട്ടില്ല. ഹിന്ദി കലര്‍ന്നഭാഷയിലാണ് സംസാരിച്ചതെന്നാണ് പറയുന്നത്. പൊലീസാണെന്നും സ്വയം പരിചയപ്പെടുത്തിയിരുന്നു. സമാനരീതിയില്‍ സംസ്ഥാനത്തിന്റെ പലഭാഗത്തും തട്ടിപ്പ് നടന്നതായി വിവരമുണ്ട്. അന്യസംസ്ഥാനതൊഴിലാളികളാകാം പിന്നിലെന്നാണ് പൊലീസിന്റെ നിഗമനം. പോയിപ്പോയി ഉപദേശരൂപത്തിലായി തട്ടിപ്പും കവര്‍ച്ചയുമിപ്പോള്‍.