കെഎസ്ആര്‍ടിസി ബസില്‍ ഒരു കോടി രൂപയിലധികം രൂപയുടെ സ്വര്‍ണം മോഷണം പോയി. തൃശൂരിലെ സ്വര്‍ണ വ്യാപാരിയില്‍ നിന്ന് ഒരുകോടി രൂപയിലധികം രൂപയുടെ സ്വര്‍ണമാണ് മോഷണം പോയത്. മലപ്പുറം തിരൂരിലെ ജ്വല്ലറിയില്‍ കാണിക്കാനായി കൊണ്ടുവന്ന 1512 ഗ്രാം സ്വര്‍ണമാണ് നഷ്ടപ്പെട്ടത്.
കുറ്റിപ്പുറത്ത് നിന്ന് നെടുങ്കണ്ടത്തേക്ക് കെഎസ്ആര്‍ടിസി ബസില്‍ യാത്ര ചെയ്യുന്നതിനിടയില്‍ എടപ്പാളില്‍ എത്തിയപ്പോളാണ് മോഷണം നടന്നത്. ബസില്‍ തൂക്കിയിട്ടിരുന്ന സ്വര്‍ണം സൂക്ഷിച്ച ബാഗ് കാണാതാവുകയായിരുന്നു. സംഭവം നടന്നത് രാത്രി പത്ത് മണിയോടെയായിരുന്നു. സംഭവത്തില്‍ ചങ്ങരംകുളം പൊലീസ് കേസെടുത്ത് അന്വേഷണം ആരംഭിച്ചു.