സംസ്ഥാനത്ത് തുടര്‍ച്ചയായ രണ്ടാം ദിവസവും സ്വര്‍ണവില കുറഞ്ഞു. അന്താരാഷ്ട്ര സ്വര്‍ണ വിപണിയിലെ വില വ്യതിയാനങ്ങളാണ് വില കുറയാന്‍ ഇടയാക്കിയത്. യുഎസ് ഫെഡറല്‍ റിസര്‍വ് പലിശ നിരക്കുകള്‍ 4.6 ശതമാനത്തില്‍ നിന്ന് 5.1 ശതമാനമായി ഉയര്‍ത്തിയതാണ് സ്വര്‍ണവില കുറയാന്‍ കാരണമായത്.
വ്യാഴാഴ്ച ഒരു പവന്‍ സ്വര്‍ണത്തിന് 120 രൂപയാണ് കുറഞ്ഞിരുന്നത്. വെള്ളിയാഴ്ച 160 രൂപയും കുറഞ്ഞു. ഇതോടെ സ്വര്‍ണത്തിന്റെ വില 44000ന് താഴെയായി.
ഒരു പവന്‍ സ്വര്‍ണത്തിന്റെ വിപണി വില 43,880 രൂപയാണ്. ഒരു ഗ്രാം 22 കാരറ്റ് സ്വര്‍ണത്തിന്റെ വില 5485 രൂപയാണ്. ഒരു ഗ്രാം 18 കാരറ്റ് സ്വര്‍ണത്തിന്റെ വില 4543 രൂപയുമാണ്.