സ്വര്‍ണവില വീണ്ടും 58,000ന് താഴോട്ട്; ഒറ്റയടിക്ക് 440 രൂപ കുറഞ്ഞു

സംസ്ഥാനത്ത് സ്വര്‍ണവില വീണ്ടും 58,000ന് താഴോട്ട്. ഇന്ന് പവന് 440 രൂപ കുറഞ്ഞതോടെ ഒരു പവന്‍ സ്വര്‍ണത്തിന്റെ വില 57,840 രൂപയായി. ഗ്രാമിന് 55 രൂപയാണ് കുറഞ്ഞത്. 7230 രൂപയാണ് ഒരു ഗ്രാം സ്വര്‍ണത്തിന്റെ വില.

രണ്ടു ദിവസത്തിനിടെ 1240 രൂപയാണ് സ്വര്‍ണ്ണത്തിന് വര്‍ധിച്ചത്. ശേഷം മാറ്റമില്ലാതെ തുടര്‍ന്ന സ്വര്‍ണവിലയാണ് ഇന്ന് കുറഞ്ഞത്. ഈ മാസത്തിന്റെ തുടക്കത്തില്‍ 57,200 രൂപയായിരുന്നു ഒരു പവന്‍ സ്വര്‍ണ്ണത്തിന്റെ വില. പിന്നീട് 56,720 രൂപയായി ഇടിഞ്ഞ് ഈ മാസത്തെ ഏറ്റവും താഴ്ന്ന നിലവാരത്തിലേക്ക് എത്തിയിരുന്നു. പിന്നീട് സ്വര്‍ണ്ണവില തിരിച്ചു കയറുകയായിരുന്നു.

കഴിഞ്ഞ ഒന്‍പതു ദിവസത്തിനിടെ 1500ലേറെ രൂപ വര്‍ധിച്ച ശേഷമാണ് ഇന്ന് ഇടിഞ്ഞ് 58,000ല്‍ താഴെ എത്തിയത്.