ഡല്‍ഹി സുല്‍ത്താന്‍പുരിയില്‍ രാത്രി പെണ്‍കുട്ടിയെ കാറിടിച്ച് വലിച്ചിഴച്ച് കൊലപ്പെടുത്തിയ സംഭവത്തില്‍ 11 പൊലീസുകാര്‍ക്ക് സസ്‌പെന്‍ഷന്‍. ഇതുസംബന്ധിച്ച ്കൂടുതല്‍ വിവരങ്ങള്‍ പുറത്തുവിടുമെന്ന് ഡല്‍ഹി പൊലീസ് അറിയിച്ചു. പുതുവര്‍ഷദിനത്തിലെ രാത്രി മൂന്നുമണിയോടെയായിരുന്നു സംഭവം. കാര്‍ ഡ്രൈവറും നാല് പുരുഷന്മാരും സംഭവസമയം കാറിലുണ്ടായിരുന്നു. കാറിനടിയിലൂടെ 13 കിലോമീറ്റര്‍ ദൂരത്തേക്കാണ് ജഡം വലിച്ചുകൊണ്ടുപോയത്. കാറിനടിയില്‍ പെണ്‍കുട്ടിയുണ്ടെന്ന് അറിഞ്ഞിരുന്നതായി പ്രതികള്‍ മൊഴിനല്‍കിയിരുന്നു. സംഘത്തില്‍ ബി.ജെ.പിക്കാരനും ഉണ്ടായിരുന്നു. ഡല്‍ഹി പൊലീസും ലെഫ്. ഗവര്‍ണറും ഇതില്‍ രാഷ്ട്രീയം കളിക്കുകയാണെന്നാരോപിച്ച് വലിയ പ്രക്ഷോഭം നടന്നതിന് പിറകെയാണ് സസ്‌പെന്‍ഷന്‍.
പൊലീസുകാരെല്ലാം രോഹിണി സ്‌റ്റേഷനിലെയാണ്. ഇവര്‍ സംഭവത്തെക്കുറിച്ച് അജ്ഞത നടിച്ചതായി പരാതിയുയര്‍ന്നിരുന്നു. ബി.ജെ.പി നേതാവിന്റെ ചിത്രം സ്റ്റേഷനുമുന്നിലെ പരസ്യത്തില്‍ ഉണ്ടായിരുന്നു.