കൊല്ലം: മാതാവിനൊപ്പം വീട്ടില്‍ ഉറങ്ങുന്നതിനിടെ പാമ്പ് കടിയേറ്റ എട്ടാം ക്ലാസ് വിദ്യാര്‍ത്ഥിനി മരിച്ചു. തഴുത്തല പി.കെ ജങ്ഷന്‍ ഷമാസ് മന്‍സിലില്‍ അബ്ദുല്‍ നാസിറിന്റെ മകള്‍ ഫര്‍സാന നാസ്വിര്‍ (12) ആണ് മരിച്ചത്. കട്ടിലില്‍ ഉറങ്ങുകയായിരുന്ന ഫര്‍സാന നിലവിളിച്ച് ചാടിയെഴുന്നേറ്റ് കയ്യില്‍ എന്തോ കടിച്ചതായി പറഞ്ഞു. ഉടന്‍ ജില്ലാ ആശുപത്രിയിലെത്തിച്ചെങ്കിലും മരിച്ചു. മുഖത്തല എം.ജി.ടി.എച്ച്.എസിലെ വിദ്യാര്‍ത്ഥിനിയാണ് ഫര്‍സാന. ഉമ്മ: സബീന. സഹോദരങ്ങള്‍: മുഹമ്മദ് ഷമ്മാസ്, ഫര്‍ഹാന നാസ്വിര്‍.