അഞ്ചുദിവസം പ്രായമായ കുഞ്ഞിന് നിര്‍ദ്ദേശിച്ചതിന് പുറമേ വാക്‌സിന്‍ നല്‍കിയതായി പരാതി. പാലക്കാട് പിരിയാരി പ്രാഥമിക ആരോഗ്യ കേന്ദ്രത്തിലാണ് സംഭവം.
പള്ളിക്കുളം സ്വദേശികളായ ദമ്പതികളുടെ അഞ്ചുദിവസം പ്രായമായ ആണ്‍കുഞ്ഞിനാണ് ആശുപത്രിയിലെ നേഴ്‌സ് കുറിപ്പില്‍ ഇല്ലാത്ത വാക്‌സിന്‍ നല്‍കിയത്. കടുത്ത പനിയെ തുടര്‍ന്ന് കുഞ്ഞ് നിലവില്‍ പാലക്കാട് ജില്ലാ ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലാണ്.ആരോഗ്യ പ്രവര്‍ത്തകരുടെ അനസ്ഥക്കെതിരെ ഡിഎംഒക്ക് പരാതി നല്‍കുമെന്ന് ബന്ധുക്കള്‍ പറഞ്ഞു.