പന്തളം പബ്ലിക്ക് മാര്‍ക്കറ്റിലെ മാലിന്യ സംസ്‌കരണ പ്ലാറ്റിലെ മാലിന്യത്തിന് തീപിടിച്ചു. ഇന്നലെ ഉച്ചയ്ക്ക് 12ന് പന്തളം കെ.എസ്.ആര്‍.ടി.സി ബസ് സ്റ്റാന്‍ഡിന് സമീപത്തെ മാര്‍ക്കറ്റിനോട് ചേര്‍ന്ന സ്ഥലത്തെ കുന്നുകൂടികിടന്ന മാലിന്യത്തിനാണ് തീപിടിച്ചത്. തീയും പുകയും അന്തരീക്ഷത്തില്‍ വന്നതോടെ കെ.എസ്.ആര്‍.ടി.സി ബസ് സ്റ്റാന്‍ഡിലെ യാത്രക്കാരും സമീപപ്രദേശത്തുകാരും സ്ഥലത്തുനിന്ന് മാറി.
ഉടന്‍ തന്നെ നാട്ടുകാരും അടൂരില്‍ നിന്നെത്തിയ അഗ്നി രക്ഷാസേനയും നിയന്ത്രണ വിധേയമാക്കി. മാലിന്യത്തില്‍ നിന്ന് ഇപ്പോഴും പുക ഉയരുന്നതിനാല്‍ പ്രദേശവാസികള്‍ ആശങ്കയിലാണ്.