വിദേശരാജ്യങ്ങളില്‍ ജോലി വാഗ്ദാനം ചെയ്ത് തട്ടിപ്പ് നടത്തിയ കേസിലെ മുഖ്യപ്രതി പിടിയില്‍. മാര്‍ത്താണ്ഡം സ്വദേശി കനകരാജിനെ കടവന്ത്ര പൊലീസ് പിടികൂടി. കനകരാജിനെ കൂടാതെ അനില്‍കുമാര്‍, സുനില്‍കുമാര്‍ എന്നീ രണ്ടുപേരെ കൂടി പ്രതിചേര്‍ത്തിട്ടുണ്ട്.
കടവന്ത്രയില്‍ മൂന്നുപേരും ചേര്‍ന്ന് നടത്തിയ സ്ഥാപനം വഴി വിദേശത്ത് ഡ്രൈവര്‍ ജോലി വാഗ്ദാനം ചെയ്ത് യുവാവിനെയും സുഹൃത്തിനെയും കബളിപ്പിച്ചതായാണ് പരാതി.
രണ്ടുതവണകളായി പരാതിക്കാരനില്‍ നിന്ന് 3,74000 രൂപയും സുഹൃത്തില്‍ നിന്ന് 1,10000 രൂപയും തട്ടിയെടുത്തതായി പറയുന്നു. പിന്നീട് വിളിച്ചപ്പോള്‍ മൂന്നുപേരും ഫോണെടുത്തിരുന്നില്ല എന്നും പരാതിയില്‍ പറയുന്നു.
കനകരാജിന്റെ സുഹൃത്തുക്കള്‍ക്കായി പൊലീസ് തെരച്ചില്‍ ഊര്‍ജിതമാക്കിയിട്ടുണ്ട്.