കാഞ്ഞങ്ങാട്: ബേക്കല്‍ പൊലീസിന്റെ വന്‍മയക്കുമരുന്ന് വേട്ടയില്‍ യുവതി ഉല്‍പ്പെടെ നാലുപേര്‍ പൊലീസ് പിടിയില്‍. 150 ഗ്രാം എംഡിഎംഎ ആണ് ഇവരുടെ വണ്ടിയില്‍ നിന്ന് കണ്ടെത്തിയത്. ബംഗളൂരുവില്‍ നിന്ന് ലഹരിമരുന്ന് എത്തിച്ച് കാസര്‍കോട് വില്‍പ്പന നടത്തുന്നതിനിടെയാണ് പ്രതികള്‍ പിടിയിലായത്.
ചട്ടഞ്ചാല്‍ തെക്കില്‍ എം. അബൂബക്കര്‍ (35), അമീന അസറ (23), കല്യാണ നഗറിലെ എ.കെ വസീം (32), ബംഗളൂരു സ്വദേശി സൂരജ് (31) എന്നിവരെയാണ് കഴിഞ്ഞ ദിവസം രാത്രി ബേക്കല്‍ പൊലീസ് ഉദുമ പള്ളത്തുനിന്ന് അറസ്റ്റ് ചെയ്തത്.