കോട്ടയം: മുതിര്‍ന്ന കോണ്‍ഗ്രസ് നേതാവും മുന്‍ എം.എല്‍.എയുമായിരുന്ന റോസമ്മ ചാക്കോ(93) അന്തരിച്ചു. വ്യാഴാഴ്ച്ച രാവിലെ ആറുമണിക്കായിരുന്നു അന്ത്യം. കോട്ടയം തോട്ടക്കാട് സെന്റ് ജോര്‍ജ്ജ് കത്തോലിക്കാ പള്ളിയില്‍ ഞായറാഴ്ച്ചയാണ് സംസ്‌ക്കാരം നടക്കുക.
മൂന്നു തവണ നിയമസഭയില്‍ എത്തിയിട്ടുണ്ട്. 1982ല്‍ ഇടുക്കിയില്‍ നിന്നാണ് ആദ്യമായി നിയമസഭയില്‍ എത്തുന്നത്. പിന്നീട് 1987ല്‍ ചാലക്കുടിയില്‍ നിന്നും പത്താം നിയമസഭ തെരഞ്ഞെടുപ്പില്‍ മണലൂരില്‍ നിന്നും ജയിച്ച് നിയമസഭയില്‍ എത്തി. കെ.പി.സി.സി വൈസ് പ്രസിഡന്റായും മഹിള കോണ്‍ഗ്രസ്സ് സെക്രട്ടറിയായും പ്രവര്‍ത്തിച്ചിട്ടുണ്ട്.
സി ചാക്കോയുടെയും മരിയമ്മ ചാക്കോയുടെയും മകളായി 1927 മാര്‍ച്ച് 17നാണ് ജനനം. അവിവാഹിതയാണ്.