കഴിഞ്ഞ ദിവസം ബിജെപി വിട്ട കര്‍ണാടക മുന്‍ മുഖ്യമന്ത്രിയും മുതിര്‍ന്ന ബിജെപി നേതാവുമായ ജഗദീഷ് ഷെട്ടാര്‍ കോണ്‍ഗ്രസിലേക്ക്. കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖര്‍ഗെ ഇതിനായി അടിയന്തര വാര്‍ത്തസമ്മേള്ളനം വിളിച്ചിട്ടുണ്ട്. ഈ വാര്‍ത്ത സമ്മേള്ളനത്തില്‍ ഇദ്ദേഹവും പങ്കെടുക്കും. ബിജെപി സീറ്റ് നിഷേധിച്ചതിനെ തുടര്‍ന്നാണ് ഷെട്ടര്‍ പാര്‍ട്ടി വിട്ടിരുന്നത്.
കഴിഞ്ഞ ദിവസം രാത്രി കോണ്‍ഗ്രസിലെ മുതിര്‍ന്ന നേതാക്കളുമായി ഇദ്ദേഹം ചര്‍ച്ച നടത്തിയിരുന്നു. ഇതിന് പിന്നാലെയാണ് തീരുമാനം. എന്നാല്‍ കേന്ദ്രമന്ത്രിമാരായ ധര്‍മ്മേന്ദ്രപ്രധാനന്‍, മുഖ്യമന്ത്രി ബസ്വരാജ് ബൊമ്മ അടക്കമുള്ളവര്‍ വീട്ടിലെത്തി അനുനയ ശ്രമങ്ങള്‍ നടത്തിയെങ്കിലും പാളിപ്പോയി.