സംസ്ഥാനത്തെ ഭക്ഷ്യ സുരക്ഷാ വകുപ്പുകളിലെ അഴിമതി കണ്ടെത്തുന്നതിനായി വിജിലന്‍സ് സംസ്ഥാനമൊട്ടാകെ മിന്നല്‍ പരിശോധന തുടങ്ങി. ചില ഉദ്യോഗസ്ഥര്‍ കൈക്കൂലി വാങ്ങി ഗുണമേന്മ കുറഞ്ഞ ഭക്ഷ്യവസ്തുക്കള്‍ വിപണിയില്‍ വില്‍ക്കുന്നതിന് ഒത്താശ ചെയ്യുന്നതായി വിജിലന്‍സിന് രഹസ്യ വിവരം ലഭിച്ചിരുന്നു.
ഇതിന്റെ അടിസ്ഥാനത്തിലാണ് ഓപ്പറേഷന്‍ ഹെല്‍ത്ത്- വെല്‍ത്ത് എന്ന പേരില്‍ ഇന്ന് രാവിലെ മുതല്‍ സംസ്ഥാന ഭക്ഷ്യ സുരക്ഷ കമ്മിഷണറുടെ കാര്യാലയത്തിലും 14 ജില്ലകളിലേയും അസി. സംസ്ഥാന ഭക്ഷ്യ സുരക്ഷ കമ്മിഷണറുമാരുടെയും ഓഫീസുകളിലും തിരുവനന്തപുരം, പത്തനംതിട്ട, എറണാകുളം, കോഴിക്കോട്, കണ്ണൂര്‍ എന്നിവിടങ്ങളില്‍ പ്രവര്‍ത്തിക്കുന്ന ഭക്ഷ്യ സുരക്ഷ ലാബുകളിലും ഒരേ സമയം മിന്നല്‍ പരിശോധന തുടങ്ങിയത്.