വളാഞ്ചേരിയില്‍ നഗരസഭാ പരിധിയിലെ ഹോട്ടലുകള്‍, ബേക്കറികള്‍, കൂള്‍ബാറുകള്‍ എന്നിവിടങ്ങളില്‍ നടന്ന പരിശോധനയില്‍ ഉപയോഗശൂന്യമായ ഭക്ഷണസാധനങ്ങള്‍ പിടികൂടി. നഗരസഭാ ആരോഗ്യവിഭാഗവും ഭക്ഷ്യസുരക്ഷാ വകുപ്പും ചേര്‍ന്നായിരുന്നു പരിശോധന. പഴകിയതും ഉപയോഗിക്കാന്‍ പറ്റാത്തതുമായ ചോറ്, പൊറോട്ട, ചപ്പാത്തി, ബീഫ്, ചിക്കന്‍, എണ്ണ, മത്സ്യം, കോഴിമുട്ട എന്നിവയും ജിലേബി ഉള്‍പ്പെടെയുള്ള ബേക്കറി ഉത്പന്നങ്ങളുമാണ് പിടികൂടിയത്. ഇവയെല്ലാം അധികൃതര്‍ നശിപ്പിച്ചു.
പെരിന്തല്‍മണ്ണ റോഡിലുള്ള ബായി ബായി, നൂരിയ്യ, റോയല്‍ ഗ്രില്‍ എന്നീ ഹോട്ടലുകളിലും നടക്കാവില്‍, കരുണ എന്നീ ആശുപത്രികളിലെ കാന്റീനുകളിലും ബിസ്മി ബേക്കറിയിലുമാണ് ഹെല്‍ത്ത് സ്‌ക്വാഡിന്റെ പരിശോധന നടന്നത്. ഇതില്‍ ബായി ബായി, നൂരിയ്യ ഹോട്ടലുകള്‍ ഉദ്യോഗസ്ഥര്‍ പൂട്ടി സീല്‍ ചെയ്തു.