സംസ്ഥാനത്ത് വീണ്ടും ഭക്ഷ്യവിഷബാധ. കൊച്ചി പറവൂരാണ് മൂന്ന് പേര്‍ക്ക് ഭക്ഷ്യവിഷബാധയേറ്റത്. സംഭവത്തില്‍ മൂന്നുപേര്‍ ആശുപത്രിയില്‍ ചികിത്സയിലാണ്. തുടര്‍ന്ന് ആരോഗ്യവിഭാഗം പരിശോധന നടത്തിയതിന്റെ അടിസ്ഥാനത്തില്‍ ഹോട്ടല്‍ പൂട്ടിച്ചു. പറവൂര്‍ ടൗണിലുള്ള മജ്‌ലിസ് ഹോട്ടലാണ് അധികൃതര്‍ പൂട്ടിച്ചത്. ചൊവ്വാഴ്ചയാണ് സംഭവം. തിങ്കളാഴ്ച വൈകൂന്നേരമായിരുന്നു മൂന്നുപേരും ഹോട്ടലില്‍ നിന്നും കുഴിമന്തി കഴിച്ചത്. പിന്നാലെ ഛര്‍ദ്ദിയും ശാരീരിക അസ്വസ്ഥകളും ഉണ്ടായതായാണ് വ്യക്തമാകുന്നത്. 21, 22 വയസ്സുള്ള രണ്ട്‌പേരും 11 വയസ്സുള്ള ഒരു കുട്ടിയ്ക്കുമാണ് ഭക്ഷ്യവിഷബാധയേറ്റത്. നിലവില്‍ ഇവരെ പറവൂര്‍ സര്‍ക്കാര്‍ ആശുപത്രിയില്‍ ചികിത്സയിലാണ്.