63ാമത് സംസ്ഥാന സ്‌കൂള്‍ കലോത്സവത്തിന് ഇന്ന് കൊടിയിറക്കം; സ്വര്‍ണക്കപ്പിനായി ആവേശപ്പോരാട്ടം

തിരുവനന്തപുരം: 63ാമത് സംസ്ഥാന സ്‌കൂള്‍ കലോത്സവം ഇന്ന് സമാപിക്കും. വൈകീട്ട് അഞ്ചിനാണ് സമാപന സമ്മേളനം. പ്രതിപക്ഷ നേതാവ് വി.ഡി. സതീശന്‍ സമാപന സമ്മേളനം ഉദ്ഘാടനം ചെയ്യും. നടന്മാരായ ആസിഫലി, ടോവിനോ തോമസ് എന്നിവര്‍ മുഖ്യാതിഥികളാകും.

സ്വര്‍ണ്ണക്കപ്പിനായുള്ള പോയിന്റ് പട്ടികയില്‍ 970 പോയിന്റോടെ തൃശ്ശൂര്‍ ജില്ലയാണ് മുന്നില്‍. 966 പോയിന്റ് വീതം നേടി പാലക്കാടും കണ്ണൂരും രണ്ടാമതുണ്ട്. 964 പോയിന്റോടെ കോഴിക്കോട് മൂന്നാമതുണ്ട്. ആകെയുള്ള 249 മത്സരങ്ങളില്‍ 239ഉം പൂര്‍ത്തിയായി. ഇന്ന് പത്ത് ഇനങ്ങളിലാണ് മത്സരം നടക്കുന്നത്.