അമേരിക്കയിലെ കൊളറാഡോയില്‍ സ്വവര്‍ഗാനുരാഗികളുടെ നിശാ ക്ലബില്‍ ഉണ്ടായ വെടിവെപ്പില്‍ അഞ്ചുപേര്‍ കൊല്ലപ്പെട്ടു. 18 പേര്‍ക്ക് ഗുരുതരമായി പരിക്കേറ്റതായും വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു. കൊളറാഡോ സ്പ്രിങ്ങിലെ ക്ലബ് ക്യുവിലാണ് ആക്രമണം നടന്നത്. ആക്രമണവുമായി ബന്ധപ്പെട്ട് ഒരാളെ പൊലീസ് കസ്റ്റഡിയിലെടുത്തു.
കമ്മ്യൂണിറ്റിക്ക് നേരെ ക്രൂരമായ ആക്രമണമാണ് നടന്നതെന്ന് ക്ലബ് ക്യൂ ഫെയ്‌സ്ബുക്ക് പോസ്റ്റില്‍ കുറിച്ചു. വെടിവെപ്പിലേക്ക് നയിച്ച കാരണം ഇതുവരെ വ്യക്തമായിട്ടില്ല. സംഭവത്തെ കുറിച്ച് വിശദീകരിക്കാനായി നാളെ രാവിലെ എട്ടു മണിക്ക് വാര്‍ത്താ സമ്മേളനം നടത്തുമെന്ന് കൊളറാഡോ പൊലീസ് വ്യക്തമാക്കി.