മേക്കപ്പ് മാനേജര്‍ക്കെതിരെ നല്‍കിയ മൊഴിയില്‍ ഹേമ കമ്മിറ്റി റിപ്പോര്‍ട്ടില്‍ ആദ്യ കേസ് രജിസ്റ്റര്‍ ചെയ്തു. കൊല്ലം സ്വദേശിയ മേക്കപ്പ് ആര്‍ട്ടിസ്റ്റിന്റെ
മൊഴിയുടെ അടിസ്ഥാനത്തിലാണ് കേസ് രജിസ്റ്റര്‍ ചെയ്തത്. അപമര്യാദയായി പെരുമാറിയെന്ന് കാണിച്ച് മേക്കപ്പ് മാനേജര്‍ സജീവിനെതിരെയാണ് കേസ് രജിസ്റ്റര്‍ ചെയ്തത്.
താമസ സ്ഥലത്തുവെച്ചാണ് സംഭവം നടന്നതെന്നും യുവതി വെളിപ്പെടുത്തിയിരുന്നു. പ്രത്യേക അന്വേഷണം സംഘത്തിന്റെ നിര്‍ദേശ പ്രകാരം പൊന്‍കുന്നം പൊലീസാണ് കേസ് രജിസ്റ്റര്‍ ചെയ്തത്. ഇത് എസ്‌ഐടിക്ക് കൈമാറി.
ജസ്റ്റിസ് ഹേമ കമ്മിറ്റിക്ക് മുന്നില്‍ 2014 ല്‍ നടന്ന സംഭവം യുവതി വെളിപ്പെടുത്തി. ഹേമ കമ്മറ്റി റിപ്പോര്‍ട്ടിലെ ക്രിമിനല്‍ സ്വഭാവമുള്ള മൊഴികളില്‍ കേസെടുത്ത് അന്വേഷണം നടത്തണമെന്ന് നേരത്തേ ഹൈക്കോടതി നിര്‍ദേശിച്ചിരുന്നു.