കൊല്ലം മരുന്നു സംഭരണ കേന്ദ്രത്തിലെ തീയണച്ചു; കോടികളുടെ മരുന്ന് കത്തിനശിച്ചു.

കൊല്ലം ഉളിയക്കോവിൽ മെഡിക്കൽ സർവീസ് കോർപ്പറേഷനിലുണ്ടായ അഗ്നിബാധയിൽ കോടികളുടെ മരുന്നുകൾ കത്തി നശിച്ചു. 10 കോടി രൂപയ്ക്ക് മുകളിൽ നാശനഷ്ടമുണ്ടായെന്നാണ് പ്രാഥമിക വിലയിരുത്തൽ.അഗ്നിബാധയിൽ 3 ബൈക്കുകളും കത്തിനശിച്ചു.മൂന്ന് ജില്ലകളിൽ നിന്നുള്ള ഫയർഫോഴ്സ് യൂണിറ്റുകൾ എത്തിയാണ് തീയണച്ചത്. തീ പിടുത്തത്തിനെ തുടർന്ന് ശാരീരികാസ്വാസ്ഥ്യം ഉണ്ടായ 7 പേരെ കൊല്ലം ജില്ലാ ആശുപത്രിയിൽ പ്രവേശിപ്പിച്ചു. ഇന്നലെ രാത്രി 9 മണിയോടെയാണ് തീപിടുത്തം ശ്രദ്ധയിൽ പെട്ടത്.