ഡല്‍ഹിയില്‍ നിന്ന് ദോഹയിലേയ്ക്ക് പോയ വിമാനം പാകിസ്ഥാനിലെ കറാച്ചിയില്‍ ഇറക്കി. ഖത്തര്‍ എയര്‍വെയ്‌സ് ക്യുആര്‍ 579 വിമാനമാണ് അടിയന്തരമായി നിലത്തിറക്കിയത്.
സാധനങ്ങള്‍ സൂക്ഷിക്കുന്ന കാര്‍ഗോ ബേയില്‍ നിന്ന് പുക കണ്ടതിനെത്തുടര്‍ന്ന് അടിയന്തരമായി നിലത്ത് ഇറക്കിയത്.ഇന്നു പുലര്‍ച്ചെ 3:50ന് ഡല്‍ഹിയില്‍ നിന്നും പുറപ്പെട്ട വിമാനത്തില്‍ നൂറിലേറെ യാത്രക്കാരുണ്ടായിരുന്നു. വിമാനം പുലര്‍ച്ചെ 5:45ലോടെ കറാച്ചി വിമാനത്താവളത്തിലിറക്കി.
യാത്രക്കാര്‍ സുരക്ഷിതരാണെന്നും സംഭവത്തില്‍ അന്വേഷണം നടത്തുമെന്നും ഖത്തര്‍ എയര്‍വെയ്‌സ് അറിയിച്ചു. യാത്രക്കാര്‍ക്കായി ദോഹയിലേക്ക് വേറെ വിമാനം സൗകര്യമൊരുക്കിയിട്ടുണ്ട്.