പെരുമ്പാവൂര്‍ റബ്ബര്‍ പ്രൊസസിംഗ് സൊസൈറ്റിയുടെ പുകപ്പുരയ്ക്ക് തീപിടിച്ചു. കണിച്ചാട്ടുപാറയാണ് അപകടമുണ്ടായത്. ഉച്ചയ്ക്ക് 12 മണിയോടെയാണ് തീപിടിച്ചത്. റബ്ബര്‍ഷീറ്റ് പുകകൊള്ളിക്കുന്നതിനിടയിലാണ് തീപിടുത്തം ഉണ്ടായത്. പെരുമ്പാവൂര്‍ ഫയര്‍ഫോഴ്‌സ് എത്തി തീയണച്ചു. റബ്ബര്‍ പാല്‍ കൊണ്ടുവന്ന ഉറയൊഴിച്ച് ഷീറ്റാക്കി കയറ്റിവിടുന്ന സൊസൈറ്റി ആണ് ഇത്. തീപിടുത്തത്തിനെ തുടര്‍ന്നുണ്ടായ നാശനഷ്ടം എത്രയാണെന്ന് കണക്കാക്കിയിട്ടില്ല.