നഖത്തിന്റെ ആരോഗ്യത്തിന്റെ കാര്യത്തില്‍ നമ്മള്‍ വളരെയധികം ശ്രദ്ധിക്കേണ്ടതുണ്ട്. എന്നാല്‍ പലപ്പോഴും നിങ്ങളുടെ ആരോഗ്യത്തിന്റെ കാര്യത്തില്‍ പ്രതിസന്ധിയുണ്ടാക്കുന്ന അവസ്ഥകള്‍ പലപ്പോഴും നഖം നോക്കി മനസ്സിലാക്കാന്‍ സാധിക്കുന്നുണ്ട്. ആരോഗ്യ സംരക്ഷണത്തിന്റെ കാര്യത്തില്‍ പ്രതിസന്ധികള്‍ ഉണ്ടാക്കുന്ന അവസ്ഥകള്‍ നമുക്ക് മനസ്സിലാക്കാവുന്നതാണ്.
കരള്‍, ശ്വാസകോശം, ഹൃദയം എന്നിവയിലെ പ്രശ്‌നങ്ങള്‍ നിങ്ങളുടെ നഖങ്ങള്‍ നോക്കി മനസ്സിലാക്കാന്‍ സാധിക്കുന്നതാണ്. വളരെ വിളറിയ നഖങ്ങള്‍ ചിലപ്പോള്‍ ഗുരുതരമായ രോഗത്തിന്റെ ലക്ഷണമാകാം.
നീലകലര്‍ന്ന നഖങ്ങള്‍
നീലകലര്‍ന്ന നഖങ്ങള്‍ ശരീരത്തിന് ആവശ്യമായ ഓക്‌സിജന്‍ ലഭിക്കുന്നില്ല എന്നാണ് അര്‍ത്ഥമാക്കുന്നത്. എംഫിസെമ പോലുള്ള ശ്വാസകോശ പ്രശ്‌നത്തെ ഇത് സൂചിപ്പിക്കാം. നീല നിറത്തിലുള്ള നഖങ്ങളുമായി ചില ഹൃദയ പ്രശ്‌നങ്ങള്‍ ഉണ്ടാകാം. അതുകൊണ്ട് നഖത്തിന്റെ നിറം നീലയാവുമ്പോള്‍ ഒരു കാരണവശാലും അതിനെ നിസ്സാരമായി വിടരുത്. ഇത് കൂടുതല്‍ അപകടത്തിലേക്ക് നിങ്ങളെ എത്തിക്കുന്നുണ്ട്. അല്ലെങ്കില്‍ അപകടം വളരെ വലുതായിരിക്കും.
വെളുത്ത നഖങ്ങള്‍
ഇരുണ്ട വരകളുള്ള നഖങ്ങള്‍ കൂടുതലും വെളുത്തതാണെങ്കില്‍, ഇത് ഹെപ്പറ്റൈറ്റിസ് പോലുള്ള കരള്‍ പ്രശ്‌നങ്ങള്‍ സൂചിപ്പിക്കും. നഖത്തിലുണ്ടാവുന്ന അസ്വസ്ഥതകള്‍ പലപ്പോഴും മഞ്ഞപ്പിത്തം കാണപ്പെടുന്നത് കരള്‍ പ്രശ്‌നത്തിന്റെ മറ്റൊരു അടയാളമാണ്. അതുകൊണ്ട് തന്നെ ഇത്തരം കാര്യങ്ങള്‍ നമുക്ക് ശ്രദ്ധിക്കേണ്ടതാണ്.
മഞ്ഞ നഖങ്ങള്‍
മഞ്ഞ നഖങ്ങളുടെ ഏറ്റവും സാധാരണമായ കാരണം ഫംഗസ് അണുബാധയാണ്. അണുബാധ വഷളാകുമ്പോള്‍, നഖം കൂടുതല്‍ മഞ്ഞ നിറത്തില്‍ ആവുന്നു. അപൂര്‍വ സന്ദര്‍ഭങ്ങളില്‍, കഠിനമായ തൈറോയ്ഡ് രോഗം, ശ്വാസകോശരോഗം, പ്രമേഹം അല്ലെങ്കില്‍ സോറിയാസിസ് പോലുള്ള ഗുരുതരമായ അവസ്ഥയെ മഞ്ഞ നഖങ്ങള്‍ക്ക് സൂചിപ്പിക്കാന്‍ കഴിയും. അതുകൊണ്ട് മഞ്ഞ നിറമുള്ള നഖങ്ങള്‍ വളരെയധികം ശ്രദ്ധിക്കേണ്ടതാണ്.
നഖത്തിന്റെ പ്രശ്‌നങ്ങള്‍
നഖത്തിന്റെ ഉപരിതലം അഴുകിയ പോലെയോ അല്ലെങ്കില്‍ കുഴിയുകയോ ചെയ്താല്‍, ഇത് സോറിയാസിസ് അല്ലെങ്കില്‍ ആര്‍ത്രൈറ്റിസിന്റെ ആദ്യകാല അടയാളമായിരിക്കാം. നഖത്തിന്റെ നിറം മാറുന്നത് സാധാരണമാണ്; നഖത്തിന് കീഴിലുള്ള ചര്‍മ്മത്തിന് ചുവപ്പ് കലര്‍ന്ന തവിട്ട് നിറമായിരിക്കും. അതിനെ ഒരിക്കലും നിസ്സാരമായി കാണാതെ മുന്നോട്ട് പോവേണ്ടതിന് ശ്രദ്ധിക്കേണ്ടതാണ്. ആരോഗ്യ സംരക്ഷണത്തിന്റെ കാര്യത്തില്‍ വെല്ലുവിളികള്‍ ഉയര്‍ത്തുന്ന ഈ അവസ്ഥകള്‍ക്ക് പരിഹാരം കാണുന്നതിന് മിക്ച്ചതാണ് നഖത്തിലുണ്ടാവുന്ന അസ്വസ്ഥത.
നഖത്തിന് ചുറ്റുമുള്ള ചര്‍മ്മം
നഖത്തിന് ചുറ്റുമുള്ള ചര്‍മ്മം ചുവപ്പും വീര്‍ത്തതും ആയി കാണപ്പെടുന്നുവെങ്കില്‍, ഇത് നഖത്തിന്റെ മടക്കിന്റെ വീക്കം എന്നറിയപ്പെടുന്നു. ഇത് ല്യൂപ്പസ് അല്ലെങ്കില്‍ മറ്റൊരു ബന്ധിത ടിഷ്യു ഡിസോര്‍ഡറിന്റെ ഫലമായിരിക്കാം. അണുബാധ നഖത്തിന്റെ മടക്കിനും ചുവപ്പിനും കാരണമാകും. ഇതെല്ലാം ശ്രദ്ധിച്ചാല്‍ ഒരു പരിധി വരെ നമുക്ക് ഈ പ്രശ്‌നത്തെ ഇല്ലാതാക്കാന്‍ സാധിക്കുന്നുണ്ട്.
നഖത്തിന് ചുവടെയുള്ള ഇരുണ്ട വരകള്‍
നഖത്തിന് താഴെയുള്ള ഇരുണ്ട വരകള്‍ എത്രയും വേഗം നിങ്ങള്‍ ശ്രദ്ധിക്കണം. കാരണം അത് പലപ്പോഴും ത്വക്ക് അര്‍ബുദത്തിന്റെ ഏറ്റവും അപകടകരമായ തരം മെലനോമയിലേക്കാണ് നിങ്ങളെ എത്തിക്കുന്നത്. ഇത്തരം അവസ്ഥയില്‍ ശ്രദ്ധിച്ചാല്‍ ഒരു പരിധി വരെ നിങ്ങളുടെ ആരോഗ്യം നമുക്ക് നിലനിര്‍ത്തുന്നതിനും ആരോഗ്യത്തിനും സഹായിക്കുന്നുണ്ട്.