ഹെല്‍മെറ്റില്ലാതെ വണ്ടിയോടിച്ചെന്ന് കാണിച്ച് കാര്‍ െ്രെഡവറിന് പിഴയിട്ട് മോട്ടോര്‍ വാഹന വകുപ്പ്. തിരൂര്‍ സ്വദേശി മുഹമ്മദ് സാലിക്കാണ് 500 രൂപ പിഴയടക്കാന്‍ നോട്ടീസ് നല്‍കിയത്. തെറ്റ് മനസിലായതോടെ പിഴ അടയ്‌ക്കേണ്ടെന്ന് അറിയിച്ച് ഉദ്യോഗസ്ഥര്‍ തന്നെ സംഭവം ഒത്തുതീര്‍പ്പാക്കി.
KL 55 V 1610 എന്ന നമ്പറിലുള്ള വാഹനത്തില്‍ ബാവപ്പടിയിലൂടെ ഹെല്‍മെറ്റില്ലാതെ യാത്ര ചെയ്തതിനാണ് 500 രൂപ പിഴയടയ്ക്കണമെന്ന് ആവശ്യപ്പെട്ട് ഫോണില്‍ സന്ദേശമെത്തി. മുഹമ്മദ് സാലിക്കിന് ഈ നമ്പറിലുള്ളത് ഒരു ആള്‍ട്ടോ കാറാണ്. നിയമലംഘനം നടന്നെന്ന് പറയുന്ന ബാവപ്പടിയിലൂടെ സാലി അന്നേദിവസം യാത്രചെയ്തിട്ടുമില്ല. തുടര്‍ന്നാണ് മോട്ടോര്‍ വാഹന വകുപ്പിന് തെറ്റുപറ്റിയ കാര്യം തിരിച്ചറിഞ്ഞത്.
രണ്ട് യുവാക്കള്‍ ബൈക്കില്‍ ഹെല്‍മെറ്റ് ധരിക്കാതെ യാത്ര ചെയ്യുന്ന ചിത്രമാണ് നോട്ടീസിലുള്ളത്. ദൃശ്യം റോഡിലെ ക്യാമറയില്‍ പതിഞ്ഞപ്പോള്‍ വാഹന നമ്പര്‍ തെറ്റിയതാകാം കാരണമെന്നാണ് നിഗമനം.
അതേസമയം, ഹെല്‍മെറ്റ് ഇല്ലാതെ വണ്ടിയോടിച്ചെന്ന് കാണിച്ച് പിക്കപ്പ് വാഹനത്തിന് മോട്ടോര്‍ വാഹന വകുപ്പ് നോട്ടീസ് അയച്ചിരുന്നു. ഇന്ന് സംഭവത്തില്‍ വിശദീകരണവുമായി എം വി ഡി രംഗത്തെത്തി. വണ്ടി നമ്പര്‍ രേഖപ്പെടുത്തിയപ്പോള്‍ വന്ന പിഴവാണെന്നും നോട്ടീസ് പിന്‍വലിച്ചുവെന്നും എം വി ഡി.