വാഷിങ്ടണ്‍: അടുത്ത വര്‍ഷം ഇന്ത്യയില്‍ നടക്കേണ്ടിയിരുന്ന ഫിഫ അണ്ടര്‍ 17 വനിതാ ലോകകപ്പ് റദ്ദാക്കി. കോവിഡ് വ്യാപനത്തെ തുടര്‍ന്നാണ് തീരുമാനം. 2022 ലെ ലോകകപ്പിന് ഇന്ത്യ വേദിയാകുമെന്നും ഫിഫ അറിയിച്ചു. 2020 നവംബറില്‍ നടക്കേണ്ടിയിരുന്ന ടൂര്‍ണമെന്റായിരുന്നു ഇത്.
എന്നാല്‍ കൊവിഡ് പശ്ചാത്തലത്തില്‍ 2021 ഫെബ്രുവരിയിലേക്ക് മാറ്റുകയായിരുന്നു. 2020 ല്‍ നടക്കേണ്ട അണ്ടര്‍ 20 വനിതാ ലോകകപ്പും മാറ്റിയിട്ടുണ്ട്.
സുരക്ഷയ്ക്ക് പ്രഥമ പരിഗണന നല്‍കിയാണ് തീരുമാനമെന്നാണ് ഫിഫയുടെ വിശദീകരണം.