താനെ: ഫേസ്ബുക്കില്‍ പരിചയപ്പെട്ട ന്യൂറോ സര്‍ജന്‍ ദമ്പതികള്‍ യുവതിയില്‍ നിന്നും തട്ടിയെടുത്തത് 18 ലക്ഷം രൂപ. സമ്മാനം നല്‍കാമെന്ന പേരിലാണ് യുവതിയില്‍ നിന്ന് പണം തട്ടിയെടുത്തത്. പറ്റിക്കപ്പെട്ടെന്ന് തിരിച്ചറിഞ്ഞ യുവതി പരാതിയുമായി പോലീസിനെ സമീപിക്കുകയായിരുന്നു.
ലണ്ടനിലെ ന്യൂറോസര്‍ജന്‍മാരെന്നെ പേരിലാണ് ദമ്പതികള്‍ യുവതിയുമായി ഫേസ്ബുക്കില്‍ പരിചയപ്പെട്ടത്. പിന്നീട് സൗഹൃദം സ്ഥാപിക്കുകയും യുവതിക്ക് വിലയേറിയ സമ്മാനം അയക്കുകയാണെന്ന സന്ദേശം കൈമാറുകയും ചെയ്തു. കസ്റ്റംസ് ക്ലിയറന്‍സിനായി പണം ആവശ്യപ്പെട്ടപ്പോഴാണ് യുവതി പണം അയച്ചു കൊടുത്തത്.
പണമയച്ചിട്ടും സമ്മാനം ലഭിക്കാതായപ്പോഴാണ് യുവതി വഞ്ചിക്കപ്പെട്ടെന്ന് തിരിച്ചറിഞ്ഞത്. സംഭവത്തില്‍ പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചിട്ടുണ്ട്.