സംസ്ഥാനത്ത് ഇന്ന് പനി ബാധിച്ച് മരിച്ചത് ആറുപേര്‍. കൊല്ലം ജില്ലയില്‍ നാലുപേരും എറണാകുളത്തും പത്തനംതിട്ടയിലും ഓരോരുത്തരും പനി ബാധിച്ച് മരിച്ചു. കൊല്ലത്ത് മരിച്ചതില്‍ മൂന്നുപേര്‍ ഡെങ്കിപ്പനിയെ തുടര്‍ന്നാണ് മരിച്ചത്.
ചവറ സ്വദേശി അരുണ്‍ കൃഷ്ണ (33), കൊച്ചുകുഞ്ഞ് ജോണ്‍ (70), ആയുര്‍വയ്യാനം സ്വദേശി ബഷീര്‍ (74) എന്നിവരാണ് ഡെങ്കിപ്പനി ബാധിച്ച് മരിച്ചത്. പത്തനംതിട്ട ജില്ലയില്‍ മരിച്ച യുവതി അഖിലയും ഡെങ്കിപ്പനിയെ തുടര്‍ന്നാണ് മരിച്ചത്. ചികിത്സയിലിരിക്കെ ആണ് അഖില മരണപ്പെട്ടത്. കേരളത്തില്‍ ഈ മാസം ഇതോടെ പനി ബാധിച്ച് മരിച്ചവരുടെ എണ്ണം 37 ആയി. ഇതില്‍ 21-ഉം ഡെങ്കിപ്പനി ബാധിച്ചാണ്.