കോട്ടയം പാലാ രാമപുരത്ത് 3 പെണ്‍മക്കളെ കഴുത്തറുത്ത ശേഷം പിതാവ് ആത്മഹത്യ ചെയ്തു. രാമപുരം ചേറ്റുകുളം സ്വദേശി ജോമോന്‍(40) ആണ് ആത്മഹത്യ ചെയ്തത്. മൂന്ന് വിദ്യാര്‍ത്ഥിനികളായ പെണ്‍കുട്ടികളെ കഴുത്തറുത്ത ശേഷം ഇയാള്‍ തൂങ്ങി മരിക്കുകയായിരുന്നു.
പതിമൂന്നും പത്തും ഏഴും വയസ്സുള്ള പെണ്‍കുട്ടികളെയാണ് പിതാവ് കഴുത്തറുത്ത് കൊല്ലാന്‍ ശ്രമിച്ചത്.
കഴിഞ്ഞദിവസം അര്‍ദ്ധരാത്രിയോടെയാണ് സംഭവം. മൂന്ന് പെണ്‍കുട്ടികളും കോട്ടയം മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. ഇതില്‍ ഒരു പെണ്‍കുട്ടി ഗുരുതരമായി തുടരുന്നു.ഭാര്യ ഉപേക്ഷിച്ചു പോയ ശേഷം മൂന്നു പെണ്‍കുട്ടികളുമൊത്താണ് ഇയാളുടെ താമസം.