കെ റെയിലിനെതിരെ പ്രതിഷേധം കനക്കുന്നു. കൊല്ലത്ത് ഇന്ന് വീട് നഷ്ടപ്പെടുമെന്ന് ഭയന്ന് ഗൃഹനാഥന്‍ അടക്കം കുടുംബത്തിലെ മൂന്നുപേര്‍ ദേഹത്ത് പെട്രോളൊഴിച്ച് ആത്മഹത്യാ ഭീഷണി മുഴക്കി. സ്ഥലം ഏറ്റെടുക്കാന്‍ എത്തിയ ഉദ്യോഗസ്ഥര്‍ക്ക് മുന്നിലായിരുന്നു പ്രതിഷേധം.
കെഎസ്ആര്‍ടിസി മുന്‍ ഉദ്യോഗസ്ഥനും ഭാര്യയും മക്കളുമടങ്ങുന്ന കുടുംബമാണ് ഇന്ന് ദേഹത്ത് പെട്രോളൊഴിച്ച് കൈയില്‍ ലെറ്ററും ഏന്തി ആത്മഹത്യാ ഭീഷണി മുഴക്കിയത്. പദ്ധതി നടപ്പിലായാല്‍ വീട് പൂര്‍ണമായി നഷ്ടപ്പെടുമെന്ന് വീട്ടുടമസ്ഥന്‍ പറയുന്നു. ഇപ്പോള്‍ തന്നെ 20 ലക്ഷം രൂപയുടെ കടബാധ്യത ഉണ്ട്, മക്കള്‍ പഠിക്കുകയാണ്, വീട് നഷ്ടപ്പെട്ടാല്‍ ആത്മഹത്യയല്ലാതെ മറ്റു പോംവഴികളില്ല കരഞ്ഞ കണ്ണുകളോടെ വീട്ടുടമസ്ഥന്‍ പറയുന്നു.
യാതൊരുവിധ മുന്നറിയിപ്പുമില്ലാതെ ആണ് കല്ലിടലിനായി ഉദ്യോഗസ്ഥര്‍ എത്തിയതെന്നും കുടുംബം ആരോപിച്ചു. അതേസമയം ഇവരോടു കൂടി പ്രതിഷേധത്തില്‍ നാട്ടുകാരും പങ്കുചേര്‍ന്നു.