ആറ്റിങ്ങലില്‍ സ്ത്രീയെ വെട്ടി പരിക്കേല്‍പ്പിച്ച പ്രതി പൊലീസ് പിടിയില്‍. സംഭവത്തില്‍ അവനവഞ്ചേരി കൊച്ചുപരുത്തിയില്‍ സുജയ്ക്ക് സാരമായ പരിക്കേറ്റു. യുവതിയുടെ അയല്‍വാസിയും ബന്ധുവുമായ ആറ്റുവിളാകം വീട്ടില്‍ ഷിബുവിനെ (47) ആറ്റിങ്ങല്‍ പൊസീസ് അറസ്റ്റ് ചെയ്തു.
കുടുംബവഴക്കാണ് ആക്രമണത്തിന് കാരണം. ഇരുവീട്ടുകാരുടെയും മക്കള്‍ തമ്മില്‍ തര്‍ക്കമുണ്ടായി. ഈ തര്‍ക്കം രക്ഷകര്‍ത്താക്കള്‍ തമ്മിലുള്ള വഴക്കിനും തുടര്‍ന്ന് ഷിബു വീട്ടില്‍ നിന്ന് വെട്ടുകത്തി എടുത്ത് സുജയുടെ വീട്ടില്‍ക്കയറി വെട്ടി പരിക്കേല്‍പ്പിക്കുന്നതിന് കാരണമായത്. മുഖത്തും കൈക്കും വെട്ടേറ്റ സുജയെ മെഡിക്കല്‍ കോളെജ് ആശുപത്രിയില്‍ പ്രവേശിപ്പിച്ചു.