കള്ളനോട്ട് കേസില്‍ അറസ്റ്റിലായ കൃഷി ഓഫിസറെ സസ്‌പെന്‍ഡ് ചെയ്തു. എടത്വ കൃഷി ഓഫിസര്‍ എം. ജിഷമോള്‍ക്കാണ് സസ്‌പെന്‍ഷന്‍. കഴിഞ്ഞ ചൊവ്വാഴ്ചയാണ് ഇവര്‍ അറസ്റ്റിലായത്. വ്യാജ വിവാഹ സര്‍ട്ടിഫിക്കറ്റ് നിര്‍മിക്കാന്‍ ശ്രമിച്ചതായാണ് പരാതി. നേരത്തെ ആലപ്പുഴ മാരാരിക്കുളത്തെ കൃഷി ഓഫിസറായിരുന്നു ജിഷമോള്‍. അവിടെ വച്ചും ചില ക്രമക്കേടുകള്‍ നടത്തിയിരുന്നതായാണ് റിപ്പോര്‍ട്ട്.
ജിഷയില്‍ നിന്ന് കിട്ടിയ 500 രൂപയുടെ ഏഴ് കള്ളനോട്ടുകള്‍ മറ്റൊരാള്‍ കോണ്‍വെന്റ് സ്‌ക്വയറിലെ ഫെഡറല്‍ ബാങ്ക് ശാഖയില്‍ നല്‍കിയതോടെയാണ് അന്വേഷണം തുടങ്ങിയത്. നോട്ടുകള്‍ എവിടെ നിന്നും കിട്ടിയതാണെന്ന് ജിഷ ഇതുവരെ പറഞ്ഞിട്ടില്ല. ഇവരുമായി പരിചയത്തിലുള്ള മത്സ്യബന്ധന സാമഗ്രികള്‍ വില്‍ക്കുന്നയാളാണ് കള്ളനോട്ടുകള്‍ ബാങ്കില്‍ നല്‍കിയത്.