വ്യാജ സര്‍ട്ടിഫിക്കറ്റ് കാണിച്ച് ജോലിക്ക് ശ്രമിച്ച സംഭവത്തില്‍ രജിസ്റ്റര്‍ ചെയ്ത രണ്ടാമത്തെ കേസില്‍ മുന്‍ എസ്എഫ്‌ഐ നേതാവ് കെ വിദ്യയ്ക്ക് ജാമ്യം. നീലേശ്വരം പൊലീസ് രജിസ്റ്റര്‍ ചെയ്ത കേസിലാണ് ഇടക്കാല ജാമ്യം അനുവദിച്ചത്. പൊലീസ് കസ്റ്റഡി ആവശ്യപ്പെടാത്തതിനെ തുടര്‍ന്നാണ് ഹോസ്ദുര്‍ഗ് കോടതി ജാമ്യമനുദിച്ചത്.
മഹാരാജാസ് കോളേജിലെ വ്യാജ പ്രവര്‍ത്തി പരിചയ സര്‍ട്ടിഫിക്കറ്റ് കാണിച്ചാണ് കരിന്തളം സര്‍ക്കാര്‍ കോളേജില്‍ വിദ്യ ഗസ്റ്റ് ലെക്ചര്‍ ആയി ജോലിക്ക് പ്രവേശിച്ചത്. ഇതേ സര്‍ട്ടിഫിക്കറ്റ് ഉപയോഗിച്ചാണ് അട്ടപ്പാടി കോളേജിലും ഇന്റര്‍വ്യൂക്ക് എത്തിയത്.
അഗളി പൊലീസിന് നല്‍കിയ മൊഴി നീലേശ്വരം പൊലീസിലും വിദ്യ ആവര്‍ത്തിച്ചു.