തിരുവനന്തപുരം: സെക്രട്ടേറിയറ്റ് കെട്ടിടത്തില്‍ ബോംബ് വെച്ചിട്ടുണ്ടെന്ന് അജ്ഞാതന്റെ ഭീഷണി. പൊലീസ് ആസ്ഥാനത്തെ 112 എന്ന ഫോണ്‍ നമ്പറിലേക്കാണ് സന്ദേശമെത്തിയത്. ഭീഷണിയെ തുടര്‍ന്ന് കന്റോണ്‍മെന്റ് പോലീസ് ഉള്‍പ്പെടെ സെക്രട്ടറിയേറ്റില്‍ പരിശോധന നടത്തുകയാണ്. പരിശോധനയില്‍ സംശയിക്കാവുന്ന തീരിയില്‍ ഒന്നും തന്നെ കണ്ടെത്തിയിട്ടില്ലെന്ന് പൊലീസ് പറഞ്ഞു.
കുളത്തൂര്‍ സ്വദേശിയായ നിതിനാണ് പൊലീസ് ആസ്ഥാനത്തേക്ക് വിളിച്ചത്. ഇയാളെ പൊലീസ് വിശദമായി ചോദ്യം ചെയ്ത് വരികയാണ്. മാനസികവെല്ലുവിളി നേരിടുന്നയാളാണ് നിതിനെന്ന് പൊലീസ് കണ്ടെത്തല്‍. ഇതിന് മുന്‍പ് മുഖ്യമന്ത്രിക്ക് നേരെയും ഭീഷണി കോള്‍ വന്നിരുന്നു. സ്‌കൂള്‍ വിദ്യാത്ഥ്ിയാണ് അന്ന് ഫോണ്‍ വിളിച്ചിരുന്നതെന്ന്് അന്വേഷണത്തില്‍ കണ്ടെത്തിയിരുന്നു.