ആലപ്പുഴ: അഭിഭാഷകയാണെന്ന പേരില്‍ ആള്‍മാറാട്ടം നടത്തിയ കേസിലെ പ്രതി സെസി സേവ്യറിനെ 8 ദിവസത്തേക്ക് പൊലീസ് കസ്റ്റഡിയില്‍ വിട്ടു. 21 മാസം ഒളിവില്‍ കഴിഞ്ഞ പ്രതി കഴിഞ്ഞ ദിവസമാണ് ആലപ്പുഴ ഒന്നാം ക്ലാസ് മജിസ്‌ട്രേറ്റ് കോടതിയില്‍ കീഴടങ്ങിയത്. വഞ്ചനാക്കുറ്റവും, ആള്‍മാറാട്ടത്തിനുമാണ് പ്രതിക്കെതിരെ ചുമത്തിയിരിക്കുന്നത്.
2019ലാണ് ആലപ്പുഴ ബാര്‍ അസോസിയേഷനില്‍ സെസി അംഗത്വമെടുക്കുന്നത്. പിന്നീട് അസോസിയേഷന്‍ ലൈബ്രറിയനായും തിരഞ്ഞെടുക്കപ്പെട്ടു. പ്രതിയുടെ തട്ടിപ്പ് കണ്ടെത്തിയ ബാര്‍ അസോസിയേഷന്‍ ഇവരെ പുറത്താക്കി പൊലീസില്‍ പരാതി നല്‍കിയതോടെ ഒളിവില്‍ പോവുകയായിരുന്നു.