കോഴിക്കോട്: ഇടത് ദുര്‍ഭരണത്തിനെതിരെ മുസ്‌ലിം യൂത്ത് ലീഗ് സംസ്ഥാന കമ്മിറ്റി ജനുവരി 18ന് സെക്രട്ടറിയേറ്റിലേക്ക് നടത്തിയ സേവ് കേരള മാര്‍ച്ചിന്റെ പേരില്‍ അറസ്റ്റ് ചെയ്ത് മുസ്‌ലിം യൂത്ത് ലീഗ് സംസ്ഥാന ജനറല്‍ സെക്രട്ടറി പി.കെ ഫിറോസിന്റെ റിമാന്‍ഡ് 14ദിവസത്തേക്ക് കൂടി നീട്ടി. ജനുവരി 23നായിരുന്നു ഫിറോസിനെ അറസ്റ്റ് ചെയ്തത്.
ഇന്ന് ഓണ്‍ലൈന്‍ വഴിയാണ് റിമാന്‍ഡ് കാലാവധി നീട്ടിയത്. സര്‍ക്കാരിനായി ഹാജരായ അഭിഭാഷകന്‍ ജാമ്യപേക്ഷയെ ശക്തമായി എതിര്‍ത്തു. തുടര്‍ വാദം കേള്‍ക്കുന്നത് തിങ്കളാഴ്ചത്തേക്കാണ് മാറ്റിയിരിക്കുന്നത്.