അഷ്റഫ് ആളത്ത്
ദമ്മാം: പാലക്കാട് ജില്ലയിലെ ചാലിശ്ശേരി കരക്കാട് വലിയകത്ത് മുഹമ്മദ് ഖലീല്‍ (47) നിര്യാതനായി. പ്രമുഖ വ്യവസായ സംരംഭകന്‍ വലിയകത്ത് മുഹമ്മദ് ഷാഫിയുടെ സഹോദരനാണ്. ഞായറാഴ്ച രാത്രി പത്തര മണിയോടെ ദമ്മാമിലെ സ്വകാര്യ ആസ്പത്രിയിലായിരുന്നു അന്ത്യം.
താമസസ്ഥലത്ത് വെച്ച് ദേഹാസ്വാസ്ഥ്യം അനുഭവപ്പെട്ടതിനെത്തുടര്‍ന്ന് അടിയന്തിര ചികിത്സ ലഭ്യമാക്കിയെങ്കിലും രക്ഷിക്കാനായില്ല.
രണ്ട് പതിറ്റാണ്ടോളമായി കുടുംബസമേതം പ്രവാസലോകത്തുള്ള മുഹമ്മദ് ഖലീല്‍ ഒന്നരമാസം മുമ്പാണ് അവധി കഴിഞ്ഞ് തിരിച്ചെത്തിയത്.
പരേതനായ മുഹമ്മദ് ഉസ്മാന്‍ ഹാജിയാണ് പിതാവ്. മാതാവ്.ഫാത്തിമ നൂര്‍ജഹാന്‍. ഭാര്യ.നിഷ.മക്കള്‍.മുഹമ്മദ് അസ് മില്‍,മുഹമ്മദ് സുഹൈര്‍,സൈനബ്,ഫാത്തിമ നസ്രിന്‍.മറ്റു സഹോദരങ്ങള്‍. മുഹമ്മദ് റാഫി
മുഹമ്മദ് ഷമീര്‍ ( ദമ്മാം), ഉമൈറ.
നടപടിക്രമങ്ങള്‍ പൂര്‍ത്തിയാക്കി മൃതദേഹം ദമ്മാമില്‍ ഖബറടക്കുമെന്ന് കമ്പനി വൃത്തങ്ങള്‍ അറിയിച്ചു. മുഹമ്മദ് ഖലീലിന്റെ നിര്യാണത്തില്‍ കെഎംസിസി അനുശോചിച്ചു.