തിരുവനന്തപുരത്ത് എക്‌സൈസ് ഉദ്യോഗസ്ഥര്‍ക്ക് മര്‍ദനം. നെയ്യാറ്റിന്‍കര എക്‌സൈസ് റേഞ്ച് ഓഫീസിലെ ഇന്‍സ്‌പെക്ടര്‍ പ്രശാന്തിനും രണ്ട് സിവില്‍ ഓഫീസര്‍മാര്‍ക്കുമാണ് മര്‍ദനമേറ്റത്. കൈ കാണിച്ചിട്ട് നിര്‍ത്താതെ പോയ വാഹനത്തെ എക്‌സൈസ് സംഘം പിന്തുടര്‍ന്ന് പിടികൂടുകയായിരുന്നു. വാഹനത്തില്‍ നിന്ന് നിരോധിത പുകയില ഉല്‍പ്പന്നങ്ങള്‍ കണ്ടെത്തി.
എന്നാല്‍ എക്‌സൈസ് സംഘം പിടികൂടിയ മൂന്നുപേരെ പിഴ ഈടാക്കി വിട്ടയക്കുകയും ചെയ്തിരുന്നു. ഇത് ചോദ്യം ചെയ്ത നാട്ടുകാരാണ് എക്‌സൈസ് സംഘത്തെ മര്‍ദിച്ചത്.