സ്കൂള്‍ മദ്രസാ തലങ്ങളിൽ പഠന മികവിനൊപ്പം പങ്കെടുത്ത മുഴുവൻ മത്സര പരീക്ഷകളിലും മിന്നുന്ന വിജയം നേടി നാടിനഭിമാനമായിരിക്കുകയാണ് പടിഞ്ഞാറ്റുമുറിയിലെ പി.എൻ.മിൻഷ. പടിഞ്ഞാറ്റുംമുറി ഫസ്ഫരി ഇംഗ്ളീഷ് സ്കൂളില്‍ നാലാം ക്ളാസില്‍ നിന്നും എല്‍.എസ്.എസ് പരീക്ഷയിലും ഓര്‍ഫനേജ് യു.പി സ്കൂളില്‍ നിന്ന് ഏഴാം ക്ലാസിൽ യു.എസ്.എസ് പരീക്ഷയിൽ ഗിഫ്റ്റഡ് സ്റ്റുഡന്‍റ് സ്കോളര്‍ഷിപ്പും നേടിയ മിന്‍ഷ ഈ വർഷത്തെ 48000 രൂപയുടെ എൻ.എം.എം.എസ് സ്കോളര്‍ഷിപ്പിനും അര്‍ഹയായി.
കഴിഞ്ഞ വര്‍ഷത്തെ സമസ്ത മദ്രസാ പൊതു പരീക്ഷയില്‍ ഏഴാം ക്ളാസിൽ ടോപ്പ് പ്ളസും കരസ്ഥമാക്കിയിട്ടുണ്ട്.
കൂടാതെ ഗണിത ശാസ്ത്രവുമായി ബന്ധപ്പെട്ട് നടത്തിയ ന്യൂ മാത്‌സ് പരീക്ഷയിൽ മങ്കട സബ്ജില്ലയില്‍ നിന്ന് മികച്ച വിജയത്തോടെ ജില്ലാതലത്തിലേക്ക് തിരഞ്ഞെടുക്കപ്പെട്ട ഈ മിടുക്കി സ്കൂൾ തലത്തിൽ പഠന പാഠ്യേതര പ്രവർത്തനങ്ങളിലും മികച്ച പ്രകടനം കാഴ്ചവെച്ച് ഒട്ടേറെ സമ്മാനങ്ങൾ നേടിയിട്ടുണ്ട്.
പടിഞ്ഞാറ്റുംമുറിയിലെ വ്യാപാരിയായ പാലേന്‍പടിയന്‍ അബ്ദുല്‍ സത്താറിൻ്റെയുംസുമയ്യയുടെ മകളായ മിൻഷ വടക്കാങ്ങര ടി.എച്ച്.എസ് ഹൈസ്ക്കൂൾ എട്ടാം ക്ലാസ് വിദ്യാർത്ഥിനിയാണ്. മൂന്നാം ക്ലാസ് വിദ്യാർത്ഥിയായ ഹാദി അമാൻ ഏക സഹോദരനാണ്.