വാണിജ്യ മാഗസിനായ അറേബ്യന്‍ ബിസിനസിന്റെ സര്‍വ്വേയില്‍ മിഡിലീസ്റ്റിലെ ഏറ്റവും സ്വാധീനമുള്ള ഇന്ത്യാരുടെ പട്ടിക പ്രസിദ്ധീകരിച്ചു. ലുലു ഗ്രൂപ് ചെയര്‍മാനും അബുദാബി ചേംബര്‍ വൈസ് ചെയര്‍മാനുമായ എം.എ യൂസുഫലി ഒന്നാമത്.
ചോയിത്രാംസ് ഗ്രൂപ് ചെയര്‍മാന്‍ എല്‍.ടി. പഗറാണിയാണ് രണ്ടാം സ്ഥാനത്ത്. ദുബൈ ഇസ്ലാമിക് ബാങ്ക് ചീഫ് എക്‌സിക്യൂട്ടിവ് ഓഫിസര്‍ അഡ്‌നന്‍ ചില്‍വാനാണ് മൂന്നാമത്. ലുലു ഫിനാന്‍ഷ്യല്‍ ഹോള്‍ഡിങ്‌സ് മാനേജിങ് ഡയറക്ടര്‍ അദീബ് അഹമ്മദ്, സ്റ്റാന്‍ഡേഡ് ചാര്‍ട്ടേഡ് ബാങ്ക് സി.ഇ.ഒ
സുനില്‍ കൗശല്‍ എന്നിവര്‍ നാലും അഞ്ചും സ്ഥാനത്തെത്തി. ഗസാന്‍ അബൂദ് ഗ്രൂപ് സി.ഇ.ഒ സുരേഷ് വൈദ്യനാഥന്‍, ബുര്‍ജില്‍ ഹോള്‍ഡിങ്‌സ് ചെയര്‍മാന്‍ ഡോ. ഷംഷീര്‍ വയലില്‍, ഇമാമി ഗ്രൂപ് ഡയറക്ടര്‍ പ്രശാന്ത് ഗോയങ്ക എന്നിവരും റാങ്ക് പട്ടികയില്‍ ആദ്യ പത്തില്‍ ഇടംപിടിച്ചു.